di Rosetta Ravasi - 1984

 

Me soo ché, setaa giò soeu 'na banchèta,

suta 'i piant, dala casa di riposo.

Insèm me, a ghè che 'na quaj dunèta,

in di oeucc ghan una guta, cum'è me,

paar ca ghèm toeucc al fregiuu,

'l fasulètt tegnum in maa toeutt al dé.

E ripensi a 'na matina da vint'ann fa

insem 'i oltar s 'eri ché anca me a vardà,

àn metuu giò la prima preja,

me pensavi, ma che voja, menu maa,

me dent ché, indaroo no!

Ma incoeu soo ché, setaa giò,

soeu 'na banchèta,

saraa dent cum'è 'n usell

a vardà foeura dal cancèll,

spetà chii, spetà cus'è,

tant dumaa 'l'è amò 'mè incoeu.

Oh, sa pudaria indà via,

indà amò a cà mia!

Ma soo ché, e devi sta ché,

perchè a ca, soo da per me,

chisà che malincunia ma vignaria,

che magon toeutt al dé.

Toeucc i mè in indaa via,

forsi luur gha pensan gnaa,

che me soo ché da per me,

setaa giò soeu 'na banchèta,

a vardà la gesa da San Diunis,

e pregà un poo la Mamèta,

ca ghè dent la curnis.

Forsi luur, al san gnaa,

che me soo ché da per me,

a vardà l'acqua da la Mûscia

quant 'l'è trobbia, quant 'l'è nèta,

quant 'la và in l'Ada.

Anca me sa pudaria, indà via

cum'è lee, curaria;

ma soo ché, setaa giò

soeu 'na banchèta,

a spetà che 'l bon Gesoeù

'l vurarà tiram soeù!

 

Seduto su una panchina, è il titolo di questo brano scritto da Rosetta nel 1984.

Parla della malinconia e della solitudine di un vecchio, ricoverato alla casa di riposo. Seduto su di una panchina, in mezzo ad altre donne nelle sue stesse condizioni; ricorda il giorno della posa della prima pietra di questo edificio e alla sua convinzione che dentro lì non ci sarebbe mai andato. Ed invece eccolo lì, chiuso come un uccello, che può solo guardare fuori dal cancello sapendo che il domani non sarebbe diverso da l’oggi, e pensa:  “Oh, se potessi andar via, ritornare a casa mia, ma sono solo, e avrei tutto il giorno il magone. I miei sono andati via, forse non pensano che  tutto solo, qui su una panchina, guardo la chiesa di San Dionigi e prego la Madonna; forse non sanno che guardo l’acqua della Muzza, quando è chiara, quando è scura, quando va nell’Adda. Ah….. se potessi fare come l’Adda e andare via, come lei mi metterei a correre….; ma seduto su questa panchina, posso solo aspettare che il buon Gesù, mi possa chiamare lassù”.