STANOCH O FA UN SOGN
Stanoch o faa un sogn,
ca gal cüntaria soeu a nisoeugn,
ma perché noeugn seem amìss,
me tal coeunti so con un suris.
L’era noch e ‘l fiucava,
a ghéra soeu un vent cal cungelava,
per la strada ghéra nisoeugn,
ma…porcu sciampen, ma scapa un bisogn.
A vardi da ché, a vardi de là,
cercavi un angol per indaa a pisaa.
Là in funt ghè una finestra inluminada,
lé l’è menga certu ‘l post per faa ‘una
pisada.
In funt a la via vedi dò person ca fan un gran
bacaa,
a l’è la Marisa ca la ga corr adré a la Rusèta
con la sciavata in maa,
la Marisa la vusa, “so me la prima puetèsa
de Casaa”,
e la Rusèta la ga rispunt “ma sta varat menu
d’una cica da tuscaa”.
L’è una
noch trebûlada,
a gò
pagura da vè perdù la strada.
Visen a mé
vedi un cartèll,
a l’è la
strada ca vaa a Grupèll.
Sa fermi visen un fòss, per faa ‘l mè
bisogn,
ma ghéra una rüera e salta foeura un raton..
dal stramisi soo
burlà ‘ndal fòss e ma soo desedaa,
s’eri…. ‘indal me lècc.. ma s’eri
toeut bagnaa.
Renato Siesa 24/01/2020